何為吸引力?
近年同三五知己閒談都說到....
- 朋友A有好事業, 人品又吾錯;
- 朋友B身材平均,樣子甜美;
- 朋友C眼大大, 好精靈, 性格爽浪
- 朋友D細細粒, 小鳥依人
- 朋友E高高瘦瘦, 又就得人
- 朋友F, G, H, I, J, K......
朋友A ~ Z, 甚至係自己, 都吾錯呀? 點解都仲係單身/無結婚對象/情路不順....係咪大家既吸引力吾夠呢? 有既吸引力只吸引到果d吾專一/當感情是一場遊戲/一般男性朋友呢? 係咪自己吾夠吸引呢? 錯係邊呢?
可能...
- 我性格太男仔頭太man啦, 要女仔d
- 我太爽浪啦, 吾夠d美眉温柔, 講野又無尾音, 要加多d: 呵, 喔, 呢, 嘻...
- 我太肥啦, 一定係d男仔吾鍾意啦! 我要減肥, 減肥再減肥!
- 我太瘦啦, 食多d食d多d野先!
- 我太高, 一定係! 成42吋長腿, 矮過5吋10既男仔都吾敢追我既! 以後只著平底鞋先!
- 我太矮啦, 5吋差吋半, 要日日著4吋高既鞋先, 腳痛? 無計喎...
- 我IQ/EQ above average 啦! 男仔吾鍾意d女仔太醒嫁, 日日扮蠢先!
- 我咩咩咩...物物物...
係嫁啦, 一定係我咩咩咩...物物物...啦! 你睇果個肥婆四, 佢老公成個吳彥組嫁! 仲有仲有, 果個乜乜乜小學都未畢業, 佢老公MBA黎嫁; 一定係佢咩咩先吸引佢老公啦! 拿拿拿...阿四姨婆個女d性格一向火爆既, 如果佢吾係乜乜物物, 佢男朋友邊得o甘就佢姐! 仲有仲有仲仲有...
其實, 百貨撞百客! 道理就係緣份呢樣野係無得去計無得你去算住算住... 就算你去問云身邊所有所有成功例子, 之後準確去計算出一條可以吸引一個好男人既方程式. 係咪你照住去做, 你既吸引力就立刻提升到一個"人見人愛, 車見車載"既level 呢? 就好快找到你既Mr Right 呢?
答案當然係否定
但, 如果你加以改善既係你一d既惡習, 呢種改善當然係某程度上令你人緣上升, 間接地都可以令你快d找到Mr Right 既!
說回吸引力:
我個人從來覺得"吸引力"係吾需要刻意去形造, 尤其係一些根本係自己與生俱來既性格/本質. 刻意去改去變, 果個就已經吾係自己! 更何況, 呢種為著去吸引某些人而去改既野, 你肯定自己會keep到嗎? 吸引成功後, 會吾會又變回原狀呢? 係, 你吸引到你老公同你結婚, 難道住後日子要面對現實時, 你還會刻意去改變自己一世去留住一段關係嗎?
"吸引力"並只不是外表, 或一些大衆認為最吸引異性的性格就是! "吸引力"從來都是發自內心, 由內到外. 相由心生: 就算一個姿色平平既女仔, 如果佢內心善良, 知足, 快樂; 由內至外, 佢都可以散發出一個善良的微笑! 反之, 一個眼大大, 面尖尖, 鼻高高 + 皮膚白內透紅既一般大衆認為之美女: 佢內心充滿怨恨, 對自己對周圍事事不滿; 由內至外, 就算佢笑, 那笑容是甜美嗎? 真的嗎? 可能, 可能一時三刻可以吸引到人, 但...相處下去就會慢慢發現那美貌甜美面紗背後只有怨恨!
所以, 天下還在孤身一人等愛的女人: 你先要做的是去好好去愛自己, 愛自己包括整理好自己內心, 那些怨恨, 那些負面情緒. 對生命要有目標 (短期長期也可), 充實好自己之人生. 外表: 其實亦要整理, 但不代表要盲目去增肥減肥等...是要去照顧好自己身體健康! 身體健康就面色好d, 不用大多化妝, 樣子也能白裏透紅吧! 當然不用多說, 基本整潔是要的! 人靠服裝: 買多d名牌/靚衫好d嗎? 我會說: 可以, 但首先如果自己是一個充滿自信的人, 普通tee shirt 牛仔褲站出來也能散發出個人之吸引力! 就算, 你有專人同你去設計一個形象, 去買一些好合你身形, 形象之靚衫...但你全無自信, 滿腦子negative thinking...站出來只會縮頭縮肩, 眼神閃縮吧! 會靚嗎? 吸引人嗎? 吸引到人的, 可能只是你身上那件名牌吧!
先去好好愛自己吧! 愛你的人會自然被你那份由心由內散發出來的無形吸引力吸引他來你身邊的!
